هل الأعتذار ينقص من كرامة الرجل أمام المرأه أم ماذا ..!!

[يسود الصمت]

السلام عليكم ورحمة الله وبركاته

لدي موضوع جميل أطرحه لكم , سوف تختلف الإجابات عليه وتتباين الآراء حوله , وهو يخص ((اعتذار الرجل من المرأة)) .

هل اعتذار الرجل من المرأة ينقص من قدره وكرامته ؟ أم ماذا ...

هل اعتذار الرجل للمرأة ... ينقص من قدره ؟؟

هل يمنعه غروره من الاعتذار ؟؟

وهل يختلف الرجل الشرقي عن غيره في درجة الحساسية لهذه الكلمه !!

ونقصد هنا اعتذار الحبيب لمحبوبته ..

نحن نعلم أن المرأة بطبعها رقيقة المشاعر .. سهلة الانكسار وأي كلمه قد تؤثر عليها .. بل قد

تقتلها .. تجرحها .. وتؤلمها .. وقد لا تسامح من أساء إليها.

ولكن عندما يقول لها الرجل ... أنا أسف .. اعذريني يا ملاكي ..

فهل تنسى كل شيء وتغفر له ؟

وما الذي يحس به الرجل عندما يعتذر !!

وهل يعتبر أن اعتذاره هو بمثابة الإهانه له !!!!

وهل يجب أن يعتذر بالكلام .. أم أن هناك أشياء أخرى تحل محل الكلمات ؟

وهل أن الرجل حين يعتذر من الفتاة التي يحبها أو الزوجة يثبت انه فعلا أنه يحبها ؟؟ وهو

مخلص لها لأقصى حد؟

تساؤلات عدة اطرحها عليكم وأترك لكم الإجابة،،

[الصياد]

مشكوووووووووووور

اخوووووووووووووي

يسود

على الموضوع الرائع منك وفعلا يستحق النقاش

لكن انا من وجه نظري بالعكس ماشوف فها شي لو ان الرجل اعتذر للمراه طالما انه غلط عليها

في سوء تفاهم صار بينهم يجب ان يقولها انا اسف لها ويعتذر لها بالعكس ماراح ينقص منه شي واشوف الشي

هذا راح يقربهم من بعض اكثر اما لو قال لا ماراح اعتذروهو المخطي هو هذا الغلط

واكيد يوم يحسسها انه غلط في حقها واعتذر لها اكيد باتسامحه وراح تنسى الموضوع

وهذي وجه نظري في الموضوع

ماقصرت

ويعطيك العافيه

[ملكة أحزاني]

مشكووور اخووي على هالمووضووع

وانا مع الصيااد في رايه

بس اللي يغلط مووعيب انه يعتذر وهالشي ماااينقص من رجوولته
وبعدين هو بشر ومااهوو معصووم من الغلط وبالعكس بيكوون بينهم تفااهم كبير
لو وضح غلطه او اعتذر

[علوش]

عادي ومافيها شي

[مـحـبـة اريـام]

للاسف كثير من الناس يشوفها اهانه لو الرجل اعتذر لزوجته

انا اشوف مافيها شي لو غلط انه يعتذر بالعكس يكون ان انسان

راقي في تعامله وهذا يدل على احترامه لزوجته مو اهانه


مشكور اخوي يسود على طرح الموضوع

يعطيك العافيه

[يسود الصمت]

أشكركم جميعاً على المرور

وطرح آرائكم

لاخلى ولاعدم

[رنا]

اذا اخطى في حقها ليه لا

يعتذر لها مثل ماهي تعتذر له

[قند قطر]

يسوود

موضوعك حساس حيل .. وبعض وجهات النظر محد بيتحملهاا ..

مسألة ان الأعتذار تنقص أو لا .. فهي ترجع لشخصية الانسان نفسه وتفكيره ..

إذا هو رجعي فأكيد يشووف الأعتذار ينقص من كرامته ..

أما إذا كان متفهم فلا بالعكس بيسعى أنه يصلح اللي انكسر وأحترام البنت له بيضل مثل ماهو ..

هذا أول شي

اما ثاني شي .. نشووف الأعتذار والموقف اللي كان صاير ..

يعني شبيفيدني فيه كلمة انا أسف .. وهي مجرد كلمه وما يقصد فيهاا إي شي ..

إذا هو أنساان دايم يخطي بحقي وعقب يجي يعتذر لمجرد الأعتذار فأنا أرفض أعتذاره ..

*

بقوول لك موقف شووف انت أحكم إذا الأعتذار يفيد ولا ..

شخص جاه اتصال من وحده وقالت له خطيبتك بالمكان الفلاني ( مواقف صالون تجميل ) ومعهاا واحد ويتكلموون وماخذين راحتهم وناسين العالم حولهم ..

هو ركب سياره وراح للمكان المقصوود وفعلاً لقى خطيبته بالسياره بروحهاا والسايق مش موجود ..

هالشي يثبت عليهاا شي ؟؟

تتوقع هالرجل الشرقي مثل ما يقوول عن نفسه شسووى .. نزلهاا من السياره وسواا لها فضيحه قدام الناس ..

وعقب ما تبين الموقف طلع اللي كان يكلمهاا واحد يبي منهاا فلووس وكان يقص عليهاا قصة حياته .. يبيهاا تتعاطف معااه ..

وهالكلام أثبته السايق ..

تتوقع كلمة انا اسف بتفيد .. بتنسيهاا الأهانه اللي شافتهاا منه وقدام الناس .. ؟؟

*

تقبل مروري ..

قنوده